“Олон улсын хүүхдийн эрхийг хамгаалах өдөр” буюу зургаадугаар сарын 1-ний өдрийг тохиолдуулан ХКН-ын Төв хорооны ерөнхий нарийн бичгийн дарга, Хятад улсын дарга, Төв хорооны Цэргийн зөвлөлийн дарга Ши Жиньпин ХКН-ын анхдугаар их хурлын дурсгалын музей болон Жяшин хотын Наньхүгийн хувьсгалын дурсгалын музейн багачуудын байгууллагын пионерын ангийн тайлбарлагч хүүхдүүдэд хариу захидал илгээж илгээж, халуун дотноор урамшуулан зоригжуулжээ. Мөн улс орон даяарх хүүхэд багачуудад баярын мэнд дэвшүүүлэв.

Ши Жиньпин захидалдаа, хүүхдүүд ХКН-ын анхдугаар их хурлын түүхэн байр болон Наньхү нуурын улаан завины дэргэд намын түүх, хувьсгалын үйл хэрэг, баатруудын түүхийг чин сэтгэлээсээ тайлбарлан хүргэж байгаа нь намдаа, эх орондоо, социализмыг хайрлах үзлийг төлөвшүүлээд зогсохгүй бодит үйл ажиллагааны явцад өөрсдөө өсөн хөгжиж буйд баяртай байгаагаа илэрхийлжээ.

Тэрээр энэ жил Хятадын Коммунист Нам байгуулагдсаны 105 жилийн ой тохиож байгааг онцлоод, намын үйл хэргийг үеэс үед үргэлжлүүлэх шаардлагатай гэжээ.

Мөн багачуудын байгууллагын гишүүд байгууллагынхаа далбааг өндөрт өргөн, хувьсгалт уламжлалыг өвлөн хөгжүүлж, мэдлэг чадвараа дээшлүүлэн, хүсэл зориг, зан чанараа төлөвшүүлж, нам ард түмний сайн хүүхэд болж, шинэ цаг үеийн түүхийг нэр төртэйгээр буухиалан залгамжлахыг хүссэн байна.

“Намын түүхийг би өгүүлнэ — пионерын ангийн тайлбарлагч болохын төлөө” практик үйл ажиллагаа 2021 онд эхэлжээ.

Сүүлийн үе  Шанхай дахь ХКН-ын анхдугаар их хурлын дурсгалын музей болон Жэжян мужийн Жяшин хотын Наньхүгийн хувьсгалын дурсгалын музейн пионерын ангийн тайлбарлагч хүүхдүүдийн төлөөлөгчид Ши Жиньпинд захидал илгээж, энэхүү үйл ажиллагаанд оролцсон туршлага, өсөлт хөгжлийнхөө талаар танилцуулан, шинэ эрин үеийн сайн хүүхэд болохын төлөө хичээн зүтгэхээ илэрхийлсэн юм.